Nëse keni probleme të mbani trupin drejtë, është e nevojshme të kryeni disa ushtrime për të forcuar muskujt e shpinës.
Kujdes, këto ushtrime nuk rekomandohen në rastet e dhimbjes së shpinës, pa u konsultuar më parë me fizioterapistin tuaj.
Le t’ju tregojmë disa ushtrime, me pajisje, që mund t’i kryeni në palestër.
*Për lehtësi emërtimi, pajisjet do të jenë në gjuhën angleze.
- Seated Row Machine
Teksa qëndroni ulur, tëhiqni pranë vetes dy doreza të vendosura paralelisht me ju, dhe lëvizni krahët sikur të jeni duke vozitur. Ky ushtrim forcon pjesën e sipërme të shpinës dhe shpatullat. - Deadlifts (Shtangë me bosht)
Ngritja e shtangave angazhon të gjithë trupin nga thembrat deri në pjesën e sipërme të shpinës, duke përforcuar shtyllën kurrizore. - Lat Pulldown
Ky ushtrim për krahët, konsiston në tërheqjen e një shufre hekuri të pozicionuar lart, drejt vetes. Targeton muskujt e ijeve dhe shpatullave duke parandaluar kërrusjen e trupit.
- Face Pulls
Pasi të keni lidhur, në lartësinë e fytyrës, dorezën e posaçme tek pajisja juaj, e tërhiqni atë drejt fytyrës me bërrylat e hapura. Do të ndjeni shtrëngimin në pjesën e sipërme të shpinës. Muskujt e shpinës do të forcohen, duke luftuar kërrusjen e shpatullave. - Plank
Vijmë tani tek plank-u. Ku 30 sekonda, duken si një jetë e tërë. Stabiliteti i ‘boshtit’ të trupit është shumë i rëndësishëm për qëndrimin drejtë. Teksa kryeni këtë ushtrim, trupi juaj duhet të jetë në vijë të drejtë nga koka tek majat e gishtave për 30-60 sekonda.
Një sugjerim thelbësor për rezultate sa më efektive: jepini më shumë rëndësi formës sesa sasisë. Vetëm kështu mund të stërvisni muskujt e duhur.
Bëni këto ushtrime 2-3 herë në javë, mos harroni të bëni stretching para ose pas stërvitjes.
Shihemi në palestër!
